ایف سی بلوچستان تفتان رائفلز کی منشیات کے اسمگلرز کیخلاف بڑی کارروائی ،بھاری مقدار میں منشیات برآمد
کوئٹہ( این این آئی)ایف سی بلوچستان تفتان رائفلز نے منشیات کے اسمگلرز کیخلاف بڑی کارروائی کرتے ہوئے بھاری مقدار میں منشیات برآمد کر کے قبضے میں لے لی۔ تفصیلات کے مطابق تفتان کے نواحی علاقے میں ایف سی نے بروقت آپریشن کرتے ہوئے 3450 کلوگرام افیون اور 418 کلو گرام کرسٹل برآمد کر کے تحویل میں لے لیں ذرائع کے مطابق برآمد شدہ منشیات کی قیمت کروڑوں روپے ہے جو کہ مختلف علاقوں میں اسگل کرنے کی غرض سے چھپائی گئی تھیں واضع رہے کہ آئی جی ایف سی بلوچستان میجر جنرل سعید احمد ناگرہ کی ہدایات کے مطابق تفتان رائفلز منشیات کی اسمگلنگ کی روک تھام کیلئے کاروائیاں کر رہی ہے ۔