پاکستان امن پسند ملک ہے، خطے میں امن اور خوشحالی کے فروغ کے لئے اپناکردار ادا کرتا رہے گا، نگراں وفاقی وزیر اطلاعات مرتضیٰ سولنگی کی مالدیپ کے وزیر برائے اسلامی امور سے گفتگو

:نگراں وفاقی وزیر اطلاعات، نشریات و پارلیمانی امور مرتضیٰ سولنگی نے کہا ہے کہ پاکستان امن پسند ملک ہے، خطے میں امن اور خوشحالی کے فروغ کے لئے اپنا کردار ادا کرتا رہے گا۔

یہ بات انہوں نے ہفتہ کو یہاں مالدیپ کے وزیر برائے اسلامی امور ڈاکٹر محمد شہیم علی سعید سے ملاقات کے دوران گفتگو کرتے ہوئے کہی۔ نگراں وفاقی وزیر اطلاعات نے ڈاکٹر محمد شہیم علی سعید کو نئی ذمہ داریاں سنبھالنے پر مبارکباد دی اور ان کیلئے نیک خواہشات کا اظہار کیا۔ دونوں رہنمائوں میں اتحاد امت کے فروغ ، مشترکہ مسائل کے حل پر تفصیلی تبادلہ خیال ہوا۔

مرتضیٰ سولنگی نے کہا کہ پاکستان اور مالدیپ کے درمیان مذہب اور مشترکہ مفادات پر مبنی مضبوط تعلقات ہیں۔ انہوں نے کہا کہ پاکستان امن پسند ملک ہے، خطے میں امن اور خوشحالی کے فروغ کے لئے اپنا کردار ادا کرتا رہے گا۔ اس موقع پر گفتگو کرتے ہوئے ڈاکٹر محمد شہیم علی سعید نے کہا کہ مالدیپ مختلف شعبوں میں پاکستان کے ساتھ تعاون کو بڑھانا چاہتا ہے