کراچی کے لوگوں کے ساتھ زیادتی ہوتی دیکھ کر دُکھ ہوتا ہے، ہارون شاہد

0

کراچیپاکستان شوبز کے اداکار اور گلوکار ہارون شاہد کا کہنا ہے کہ انہیں کراچی کا حال دیکھ کر بےحد افسوس ہوتا ہے۔

حال ہی میں ہارون شاہد ایک پروگرام میں شریک ہوئے جہاں انہوں نے کراچی اور لاہور کی زندگی میں فرق پر بات کرتے ہوئے کراچی کے شہریوں کی حالتِ زار پر افسوس کا اظہار کیا۔

ہارون شاہد کا کہنا تھا کہ مجھے کراچی کا حال دیکھ کر دُکھ ہوتا ہے ، یہ میرے ملک کا حصہ ہے کراچی کے لوگوں کے ساتھ زیادتی ہورہی ہے یہاں پر سب کچھ ہے یہ ایسا شہر ہے جو ہم سب کو پناہ دیتا ہے۔

انہوں نے بتایا کہ میں جب لاہور سے کراچی آرہا تھا تو سوچ رہا تھا کہ میرا کیا بنے گا کام ملے گا یا نہیں لیکن میں دیکھ رہا ہوں کہ اس شہر نے اپنی باہیں کھول رکھی ہیں کہ آجاؤ میں تمہیں کام دوں گا۔

ان کا کہنا تھا کہ کراچی میں ہر نسل کا آدمی موجود ہے اور یہی وجہ ہے کہ یہاں پر کچھ بےحد کمال چیزیں ہیں جیسے کراچی کا کھانا پورے پاکستان میں سب سے اچھا کھانا ہے۔ ہارن شاہد کے مطابق یہ غلط فہمی ہے کہ لاہور کا کھانا بہت اچھا ہے انہوں نے کہا کہ لاہوری کھاتے زیادہ ہوں گے مگر کھانا صرف کراچی کا اچھا ہے۔

ہارون شاہد کا کہنا تھا کہ انہیں لگتا ہے کہ سب سے زیادہ محنتی لوگ بھی کراچی میں ہیں لیکن اس کے ساتھ کراچی میں وہ چیزیں بھی نظر آتی ہیں جو پورے پاکستان میں نہیں نظر آتیں۔

اداکار کے مطابق کراچی میں بدمعاشی زیادہ نظر آتی ہے یہ کہتے ہوئے بُرا لگتا ہے مگر تعصب یہاں زیادہ نظر آئے گا لیکن چاہے کچھ بھی ہو آپ کراچی سے محبت کرنے سے خود کو چاہتے ہوئے بھی نہیں روک سکتے یہ ایسا شہر ہے۔

خیال رہے کہ ہارون شاہد پاکستان کے مسائل بلخصوص کراچی کے مسائل پر بھرپور آواز اُٹھاتے ہیں اور عوام میں شعور اُجاگر کرنے کی کوشش کرتے ہیں وہ سوشل میڈیا پر بھی متحرک رہتے ہیں اور اپنی رائے کا کھل کر اظہار کرتے نظر آتے ہیں۔

Leave A Reply

Your email address will not be published.