یومِ شہدائے جموں — کشمیریوں کا 1947 کے نسل کشی کے شہداء کو خراجِ عقیدت

عسکر انٹرنیشنل رپورٹ

مظفرآباد (عسکر انٹرنیشنل رپورٹ) دنیا بھر میں کشمیری آج یومِ شہدائے جموں عقیدت و احترام کے ساتھ منا رہے ہیں۔ یہ دن 6 نومبر 1947 کے اُس اندوہناک واقعے کی یاد دلاتا ہے جب آر ایس ایس کے انتہا پسندوں نے ڈوگرہ افواج اور بھارتی فوج کی مدد سے جموں کے ہزاروں مسلمانوں کا بے دردی سے قتلِ عام کیا۔

یہ نسل کشی ایک منظم منصوبے کے تحت کی گئی تاکہ جموں کی مسلم شناخت کو مٹایا جا سکے اور آبادیاتی توازن کو تبدیل کیا جا سکے۔ تاریخ کے مطابق، یہ انسانی تاریخ کے اُن سیاہ ترین ابواب میں سے ایک ہے جو دوسری عالمی جنگ کے بعد نسلی صفایا کے پہلے واقعات میں شمار ہوتا ہے۔

یومِ شہدائے جموں کے موقع پر کشمیری قوم اپنے شہداء کو خراجِ عقیدت پیش کرتے ہوئے عہد کرتی ہے کہ آزادی، وقار اور خود ارادیت کی جدوجہد کو ہر قیمت پر جاری رکھا جائے گا۔ شہداء کا خون آج بھی انصاف کا تقاضا کر رہا ہے اور ان کی قربانیاں کشمیر کی آزادی کی تحریک کی بنیاد ہیں۔

ہر سال یہ دن اس عہد کی تجدید کرتا ہے کہ “شہداء کی وارث زندہ ہے — زندہ ہے، حریت کی صورت زندہ ہے!”

#یوم_شہدائے_جموں #کشمیر_کی_آواز #