خطے کی غیریقینی صورتحال کے باوجود پاکستان کی ایران سے درآمدات میں اضافہ ہوگیا

خطےکی غیریقینی صورتحال کے باوجود پاکستان کی ایران سے درآمدات میں اضافہ ہوا ہے۔

ذرائع کے مطابق رواں مالی سال کے پہلے 2 ماہ کے دوران پاکستان کی ایران سے درآمدات کا حجم 24 کروڑ 80 لاکھ ڈالر رہا اور گزشتہ سال اسی مدت میں ایران سے درآمدات 21 کروڑ 20 لاکھ ڈالر تھیں۔

جاری مالی سال کے ابتدائی 2 ماہ میں ایران سے درآمدات میں 17 فیصد اضافہ ہوا ہے۔

ذرائع کے مطابق جنگ کے دوران بھی پاکستان کی ایران سے درآمدات جاری رہیں۔ سرکاری اعداد و شمار سے معلوم ہوتا ہےکہ پاکستان کی مالی سال 26-2025 میں ایران سےدرآمدات 12 فیصد اضافے کے ساتھ ایک ارب 39 کروڑ 50 لاکھ ڈالر ریکارڈ کی گئیں تھیں۔

ذرائع نے بتایا کہ پاکستان کا ایران سے درآمدات پر ہرگزرتے سال کے ساتھ انحصار بڑھ رہا ہے۔

مالی سال 25-2024 میں ایران سے درآمدات ایک ارب 24 کروڑ 10 لاکھ ڈالر، مالی سال 24-2023 میں ایک ارب 3 کروڑ 70 لاکھ ڈالر، مالی سال 23-2022 میں 88 کروڑ ڈالر، مالی سال 22-2021 میں 77 کروڑ 38 لاکھ ڈالر، مالی سال 21-2020 میں 51 کروڑ 86 لاکھ ڈالر اور مالی سال 20-2019 میں 44 کروڑ ڈالر تھیں۔