ایمسٹر ڈیم(این این آئی )اسلام مخالف ڈچ سیاستدان گیئرٹ وِلڈرز نے پیغمبر اسلام کے خاکوں کے ایک متنازعہ مقابلے کو بحال کرتے ہوئے اعلان کیا ہے کہ اس مقابلے کا فاتح ایک ایسا تاریک خاکہ ٹھہرایا گیا ہے جس میں ایک باریش شخص نے ایک سیاہ پگڑی پہن رکھی ہے تاہم اس موقع پر ڈچ حکومت خاموش تماشائی بن گئی اورآئندہ ایسے مقابلے نہ کرانے کی یقین دہانی کے باوجود انتہا پسند ڈچ لیڈر کے خلاف کوئی بھی ایکشن نہیں لیا گیا۔میڈیارپورٹس کے مطابق دی ہیگ کی ڈچ قومی پارلیمان میں اپوزیشن کی سب سے بڑی سیاسی جماعت کے سربراہ گیئرٹ وِلڈرز نے اس موقع پر کہاکہ آزادی اظہار کو پرتشدد اور اسلامی فتووں پر غالب آنا ہی ہو گا۔ اپنے ایک پیغام میں گیئرٹ وِلڈرز نے لکھا کہ یہ افسوس کی بات ہے کہ ان کے خلاف فتوی جاری کرنے پر پاکستان میں خادم حسین رضوی کو گرفتار نہیں کیا گیا ۔
