ٰامیرجماعت اسلامی نے بلوچستان پر جامع قومی پالیسی تشکیل دینے کے لیے اعلیٰ سطحی کمیٹی قائم کردی

کمیٹی بلوچستان کی صورتحال اور مسائل کے حل کے لیے سیاسی جماعتوں سے مشاورت کرے گی اور تجاویز کی روشنی میں جامع پالیسی بھی مرتب کرے گی۔

حافظ نعیم الرحمن کمیٹی کی تجاویز کی روشنی میں لائحہ عمل دیں گے۔امیر جماعت نے کہا ہے کہ بلوچستان میں ہونے والے واقعات افسوس ناک ہیں، صوبہ کے حالات پرپوری قوم میں تشویش پائی جاتی ہے۔ انھوں نے کہا کہ جماعت اسلامی موجودہ حالات میں آگے بڑھ کر کردار ادا کرے گی، بلوچستان کے عوام کی محرومیوں کو دورکرنا ہوگا، صوبہ کے وسائل پر سب سے پہلا حق صوبے کے عوام کا ہے۔