خواجہ محمد آصف سے یو اے ای کے سفیر حماد عبید ابراہیم سالم الزابی کی ملاقات ، باہمی دلچسپی کے امور پر تبادلہ خیال
:وزیر دفاع و دفاعی پیداوار خواجہ محمد آصف سے متحدہ عرب امارات (یو اے ای) کے سفیر حماد عبید ابراہیم سالم الزابی نے ملاقات کی جس میں باہمی دلچسپی کے امور پر تبادلہ خیال کیا گیا ۔وفاقی وزیر نے متحدہ عرب امارات کی ترقی اور تبدیلی کے لیے متحدہ عرب امارات کے صدر اور مسلح افواج کے سپریم کمانڈرشیخ محمد بن زاید النہیان کے وژن اور کوششوں کو سراہا۔
خواجہ محمد آصف نے روشنی ڈالی کہ پاکستانی شہری متحدہ عرب امارات کی ترقی کے لیے مختلف شعبوں میں نتیجہ خیز کردار ادا کر رہے ہیں۔ پاکستان سول اور دفاعی شعبوں میں متحدہ عرب امارات کی حمایت جاری رکھے گا۔انہوں نے کہا کہ مسلح افواج کے درمیان موجودہ تعاون کو بڑھانے کے لیے تعاون کے بہت زیادہ امکانات ہیں۔ دونوں ممالک کے درمیان ہوا بازی کے شعبے میں گنجائش بڑھانے کے لیے پاکستان اور متحدہ عرب امارات کے کمرشل/سول ایوی ایشن سیکٹر سے متعلق امورپر بھی تبادلہ خیال کیا گیا۔