اسلام آباد فوڈ اتھارٹی کی کارروائی، 1 ہزار لیٹر دودھ تلف، ملک سینٹر سیل

عسکر انٹرنیشنل رپورٹ
اسلام آباد: وفاقی دارالحکومت میں ناقص اور ملاوٹی دودھ کی فروخت اب ممکن نہیں رہی، کیونکہ اسلام آباد فوڈ اتھارٹی (IFA) نے ایک بڑی کارروائی کرتے ہوئے سیکٹر جی-12 میں واقع ملک سینٹر پر چھاپہ مارا۔

چھاپے کے دوران فوڈ اتھارٹی ٹیم نے دیکھا کہ ملک سینٹر میں اسکِم ملک پاؤڈر اور گھی سے مصنوعی دودھ تیار کیا جا رہا تھا۔ ٹیم نے مشینری، گھی کے ٹین اور ملک پاؤڈر برآمد کر لیا۔

انسپکشن کے دوران دودھ کے نمونے لیکٹوسکین پر ناکام قرار پائے۔ مزید برآں، ملک سینٹر کے پاس اسلام آباد فوڈ اتھارٹی کا کوئی لائسنس بھی نہیں تھا، جیسا کہ ڈپٹی ڈائریکٹر آپریشنز نے بتایا۔

ڈاکٹر طاہرہ صدیق کے مطابق، ٹیمز نے موقع پر 1 ہزار لیٹر مصنوعی اور ملاوٹی دودھ تلف کر دیا۔ اسلام آباد فوڈ اتھارٹی نے ملک سینٹر کو بھی سیل کر دیا۔