اپنا گھر بنانے کے خواہش مند افراد کے لئے بڑی خوشخبری

اپنا گھر بنانے کے خواہش مند افراد کے لئے بڑی خوشخبری

پنجاب کے وزیر اعلیٰ مریم نواز نے صوبے میں تین مرلہ پلاٹ اسکیم کے اجراء کی اصولی منظوری دیدی۔ جسکے تحت چشتیاں میں تین مرلہ اسکیم کے تحت 666 پلاٹ دے کر اسکیم کا آغاز کیا جائیگا۔ مریم نواز نے اپنی چھت اپنا گھر‘پراجیکٹ کے تحت مکمل ہونیوالے پہلے پانچ گھروں میں فرنیچر اوردیگر سامان کا تحفہ پیش کرنے کی منظوری دی۔وزیراعلیٰ مریم نواز کی زیرِ صدارت خصوصی اجلاس منعقد ہوا

جس میں اپنی چھت اپنا گھر پروگرام پر پیش رفت کا جائزہ لیا گیا۔ پنجاب میں پراجیکٹ کے تحت 9سو27 درخواست دہندگان کو قرض کی پہلی قسط کی ادائیگی مکمل کر لی گئی جب کہ وزیر اعلیٰ نے دوسری قسط کی ادائیگی جلد از جلد مکمل کرنے کی ہدایت کی۔اجلاس میں بریفنگ دی گئی کہ پروگرام کے تحت آٹھ سو سے زائد گھر تکمیل کے آخری مراحل میں ہیں،

پچاس ہزار درخواست دہندگان کا ڈیٹا تصدیق کیلیے اخوت کو ٹرانسفر کیا گیا جس میں (38) ہزار کی تصدیق مکمل کر لی گئی۔پروگرام کے تحت 20900 درخواست دہندگان نے مطلوبہ دستاویزات جمع کروا دیں اور 8424 کے کاغذات مکمل جھان بین کر لی گئی۔ پروگرام کے پورٹل کے رجسٹرڈ یوزر کی تعداد چھ لاکھ سے بڑھ گئی ہے اور پورٹل پر گھروں کیلئے سوا تین لاکھ سے زائد درخواستیں موصول ہوئیں ہیں۔

مزید بتایا گیا کہ جون 2025 تک (47) ہزار گھر اور اگلے دسمبر تک ایک لاکھ گھروں کی تعمیر کا ٹارگٹ مکمل کر لیا جائیگا۔مریم نواز نے پراجیکٹ کو تیز تر کرنیکی ہدایت کی اور کہا کہ اپنی چھت ہر عام آدمی کا خواب ہے جو ضرور پورا کرینگے، نعروں اور دعوؤں پر یقین نہیں رکھتے اپنی چھت مہیا کرنیکے وعدے کو ضرور نبھائینگے۔