خاتون رپورٹر کی ہلاکت؛ عمران خان نے تیسرے دن کا لانگ مارچ ختم کردیا

انہوں نے کہا کہ ذوالفقار بھٹو کی طرح ایوب خان کو ڈیڈی نہیں کہتا تھا، امریکا سے مدد مانگتا ہوں اور نہ ہی کسی اور سے مدد مانگتا ہوں، میں نے کسی کی منتیں نہیں کیں بلکہ عوام کی طاقت سے وزیراعظم بنا تھا۔

پی ٹی آئی چیئرمین عمران خان کا کہنا تھا کہ مریدکے کے جذبے اور جنون کو سلام پیش کرتا ہوں، رات کو لانگ مارچ اس لیے ختم کیا کیونکہ عوام کا سمندر رات کو نظر نہیں آنا تھا۔

لانگ مارچ سادھوکی پہنچ گیا، آتش بازی، کنٹینر پر گل پاشی

دریں اثنا تحریک انصاف کے لانگ مارچ کا سفر کامونکی کی طرف روانہ ہوا اور وہاں سے سادھوکی پہنچ گیا جہاں عمران خان کی آمد پر آتش بازی کا شاندار مظاہرہ کیا گیا، کنٹینر پر گل باشی کی گئی۔

اس دوران نجی ٹی وی کی خاتون رپورٹر دھکا لگنے کی وجہ سے کنٹینر سے نیچے گری اور موقع پر ہی جاں بحق ہوگئی، جس کے بعد تیسرے دن کے لانگ مارچ کو وہیں ختم کردیا گیا، چوتھے دن کا لانگ مارچ گوجرانوالہ سے شروع ہوگا۔