بلوچستان کے نوجوان بے روزگاری کے باعث مسائل سے دوچار ہیں : ثناءبلوچ

رکن بلوچستان اسمبلی واجہ ثناءبلوچ نے کہا کہ بلوچستان کے لوگوں کا دکھ درد اپنا دکھ سمجھ کے ہمیشہ اسمبلی فلور پر اٹھاتا ہوں۔ بارڈر کا مسئلہ ہو یا بے روزگار نوجوانوں کا مسئلہ یا زندگی کے مختلف شعبوں سے تعلق رکھنے والے لوگوں کا مسئلہ ہو ہمیشہ اپنا قومی فریضہ سمجھ کر اسے نبھایا، کوئی ہماری تجاویز اور باتوں پر عملدرآمد کرے یا نہیں مگر ہم اپنا بھرپور کردار ادا کرکے اپنا حق ادا کررہے ہیں۔ بلوچستان مسائلستان کا گڑھ بن چکا ہے، مگر اسوقت بلوچستان کے ڈگری ہولڈرز نوجوان روزگار اور ملازمتیں نہ ہونے کی وجہ سے دربدر کی زندگی گزارنے پر مجبور ہیں۔

بلوچستان کے لوگوں کا ذریعہ معاش بارڈر پر منحصر ہے مگر بارڈر پر بھی ہمارے لوگوں کو جائز کام کیلئے نہیں چھوڑا جارہا، جس سے بے روزگاری میں مزید اضافہ ہوا ہے۔ وفد نے رکن بلوچستان اسمبلی واجہ ثناءبلوچ کا شکریہ ادا کرتے ہوئے کہا کہ اسوقت آپ وہ واحد عوامی نمائندہ ہیں جو بلا تفریق پورے بلوچستان کے لوگوں کیلئے ایک امید کی کرن ہیں۔ بلوچستان کے تمام علاقوں کے لوگوں کو آپ جیسے رہنما پر ناز ہے۔ اسمبلی فلور پر آپ نے ہمیشہ ہماری نمائندگی کی ہے جس پر ہم آپکے مشکور ہیں۔