نیشنل کمانڈ اینڈ کنٹرول سینٹر کی ہدایات پر کوئٹہ بلوچستان میں ویکسی نیشن کا عمل جاری رہا

کوئٹہ نیشنل کمانڈ اینڈ کنٹرول سینٹر (NCOC) کی ہدایات پر کوئٹہبلوچستان میں ویکسی نیشن کا عمل جاری رہا۔ ایڈیشنل ڈپٹی کمشنرکوئٹہ کی جانب سے تشکیل دی جانے والی ٹیموں نے جمعہ کو بھیکوئٹہ کے مختلف اسکولوں ، کالجوں ، پارکوں ، مارکیٹوں وغیرہ میں ویکسین لگانے کا عمل جاری رکھا۔ اسکولوں میں پندرہ سال کی عمر اور ان سے زائد کے بچوں کو ویکسین لگائی گئی جن میں گورنمنٹ سپیشل ہائی سکولکوئٹہ اور پاک گرلز ہائی سکولکوئٹہ شامل تھے۔ 

صوبائی انتظامیہ کے مطابق جن افراد نے ویکسین نہیں لگائی ان کے خلاف قانونی کاروائی عمل میں لائی جائے گی اور اس کے علاوہ ان کا داخلہ پبلک پارکس، مارکیٹوں ، بس اڈوں وغیرہ میں ممنوع ہوگا۔ صوبائی انتظامیہ کی جانب سے اس ویکسین کی مہم کو کامیاب بنانے کے لئے حتی الامکان کوششیں کی جاری ہیں اورکورونا کے ضابطہ اخلاق ایس او پیز پر عملدرآمد یقینی بنایا جارہا ہے۔صوبائی انتظامیہ کے جاری کردہ احکامات کے پیش نظر 30 اکتوبر تک ویکسی نیشن لگوانے کے عمل کو مکمل کرلیا جائے گا تاکہ اس مہلک مرض کے مزید پھیلائو کو روکا جاسکے۔