غربت کے خاتمے کیلئے پی پی اے ایف کی جامع حکمت عملی قابل ستائش ہے، ڈپٹی چیئرمین سینیٹ سیدال خان ناصر
ڈپٹی چیئرمین سینیٹ سیدال خان ناصر نے کہا ہے کہ غربت کے خاتمے کے لئے پاکستان پاورٹی ایلیوئیشن فنڈ (پی پی اے ایف) کی جامع حکمت عملی واقعی قابل ستائش ہے۔
ان خیالات کا اظہار انہوں نے پی پی اے ایف کے دورے کے موقع پر کیا۔ ان کے ہمراہ سینیٹرز عبدالشکور خان اور سینیٹ کی قائمہ کمیٹی برائے تخفیف غربت اور سماجی تحفظ کے چیئرمین سردار الحاج محمد عمر خان گورگیج بھی موجود تھے جنہوں نے مل کر پاکستان میں غربت کو ہدف بنانے والے اسٹریٹجک اقدامات کی اہمیت پر زور دیا۔
دورے کے دوران پی پی اے ایف کے سی ای او نادر گل باریچ نے سینیٹرز کو ادارے کے مینڈیٹ، کام کے دائرہ کار اور غربت سے نمٹنے کے لیے وضع کردہ جدید حکمت عملی سے آگاہ کیا۔ انہوں نے کہا کہ پی پی اے ایف کی کاوشیں نہ صرف فوری مالی ضروریات کو پورا کرتی ہیں بلکہ افراد کو طویل مدتی خود کفالت کے لیے درکار مہارتوں اور وسائل سے بھی بااختیار بناتی ہیں۔ انہوں نے پی پی اے ایف کے جی آر ای ایس پروگرام اور سماجی خدمات کی بحالی اور آب و ہوا کی لچک کے منصوبے جیسے اقدامات کے ذریعے پائیدار ترقی کے عزم کا اعتراف کیا۔
ڈپٹی چیئرمین سینیٹ نے غربت کا موثر انداز میں مقابلہ کرنے اور پرعزم معاشرے کی تعمیر کے لئے ان منصوبوں کی مسلسل حمایت اور توسیع پر زور دیتے ہوئے کہاکہ پی پی اے ایف کی طرف سے ذریعہ معاش کے اثاثوں کی فراہمی سے لے کر آب و ہوا کی لچک کو بڑھانے تک، غربت کے خاتمے کی جامع پروگرام پیش کیا گیا ہے۔ انہوں نے ادارے کے پروگراموں میں صنفی مساوات کو برقرار رکھنے کے اقدامات کی تعریف کی اور اسے قومی ترقیاتی اہداف کے ساتھ ہم آہنگ مستقبل کی سوچ کی حکمت عملی کا مظہر قرار دیا۔
انہوں نے مزید کہاکہ یہ موثر تخفیف غربت کے لئے ایک معیار قائم کرتا ہے۔ ڈپٹی چیئرمین سینیٹ نے پسماندہ طبقے کی ترقی میں پی پی اے ایف کے اقدامات کی اہمیت پر زور دیتے ہوئے کہاکہ حقیقت یہ ہے بلا سود قرضوں کا ایک اہم حصہ خواتین کو فائدہ پہنچاتا ہے، کیونکہ یہ صنفی مساوات اور معاشی بااختیاری میں کردار ادا کرتی ہیں ۔
سینیٹر سردار الحاج محمد عمر خان گورگیج نے پی پی اے ایف کے اقدامات کی تعریف کرتے ہوئے خواتین کو بااختیار بنانے اور صنفی مساوات کو فروغ دینے کی ضرورت پر زور دیا۔ انہوں نے سینیٹ کی قائمہ کمیٹی کے لچکدار کمیونٹیز کی تعمیر کے مقصد سے مربوط کوششوں کی حمایت کے عزم کو تقویت دیتے ہوئے کہا کہ یہ کوششیں نہ صرف معاشرے کو اوپر اٹھاتی ہیں بلکہ ہماری قوم کے سماجی و معاشی ترقی میں بھی اہم کردار ادا کرتی ہیں۔
سینیٹر عبدالشکور خان نے ماحولیاتی لچک کی اہمیت پر روشنی ڈالتے ہوئے کہا کہ سماجی خدمات کی بحالی اور آب و ہوا کی لچک کا اقدام ہماری کمزور آبادیوں پر موسمیاتی تبدیلی کے منفی اثرات کو کم کرنے کی طرف ایک اہم قدم ہے۔ پی پی اے ایف کے فعال اقدامات ہمارے قومی مقاصد سے مکمل طور پر مطابقت رکھتے ہیں۔