عوام کو حقیقی آزادی دلانے کے لئے لانگ مارچ اپنی آب و تاب کے ساتھ رواں دواں ہے: فیاض الحسن چوہان

عمران خان کی مقبولیت کم کرنے کے لئے پورا نظام ایڑی چوٹی کا زور لگا رہا ہے مگر ناکامی و نا مرادی ان کا مقدر بن رہی ہے۔ انکا کہنا تھا کہ عمران خان کی مقبولیت کم ہونے کی بجائے دن بدن بڑھتی جا رہی ہے۔عمران خان کی قیادت میں حقیقی آزادی مارچ پاکستان کی تاریخ کو ایک نیا موڑ دیگا۔پاکستان کی باگ ڈور اب انہیں کے ہاتھوں میں ہوگی جو اسکے اہل ہونگے۔

وہ وقت گزر گیا جب باہر سے کرپٹ اور مفاد پرست ٹولہ لا کر ہم پر مسلط کیا جاتا رہا۔ انہوں نے کہا کہ نااہل ، نکھٹو، نکمے اور نالائق امپورٹڈ حکمرانوں سے نجات کا وقت آگیا ہے۔فیاض الحسن چوہان نے کہا کہ عوام کو حقیقی آزادی وہ لیڈر دلائے گا جس کا جینا مرنا پاکستان کے لئے ہے۔پوری دنیا سے پاکستانی عوام عمران خان کے ساتھ کھڑی ہے۔تمام ریاستی کارندے جتنے مرضی ہتھکنڈے آزما لیں، لانگ مارچ کے سمندر کو نہیں روک سکتے