حارث نے نیدرلینڈ کے زخمی کھلاڑی کو گلے لگا لیا، ویڈیو نے دل جیت لیے

حارث رؤف کی گیند اتنی تیز تھی کہ ہیلمٹ ہونے کے باوجود بیس ڈی لیڈ کی دائیں آنکھ کے اوپر اور نیچے سے خون بہنے لگا، جس پر فوری طور پر معالج کو گراؤنڈ میں آنا پڑا، اور پھر کچھ دیر کی طبی امداد کے بعد بیس ڈی لیڈ ریٹائرڈ ہرٹ ہو کر گراؤنڈ سے باہر چلے گئے۔

میچ کے اختتام پر جب ٹیمیں آپس میں مصافحہ کر رہی تھیں تو اس دوران حارث اور بیس ڈی لیڈ کا آمنا سامنا ہو گیا، حارث نے زخمی کھلاڑی کو گلے لگاتے ہوئے نیک تمناؤں کا اظہار کیا۔

حارث نے ان کی جلد میدان میں واپسی کی امید کا اظہار کرتے ہوئے حوصلہ افزائی کی۔