جماعت اسلامی شفاف اور غیر جانبدار انتخابات کا انعقاد چاہتی ہے ، لیاقت بلوچ

لیاقت بلوچ نے کہا کہ الیکشن کمیشن کو آئین کے مطابق مالی اور انتظامی خود مختاری دینی چاہیے ، حکومت نے انتخابی اصلاحات، نیب، پارلیمنٹ کی کارکردگی کو صفر کردیا ، آرڈیننسز سے قانون سازی کی جارہی ہے ، بلوچستان حکومت کی نا اہلی اس کے زوال کا باعث بنی ، پنجاب، خیبرپختونخواہ اور وفاقی حکومت کو بھی اسی انجام کا سامنا کرنا پڑے گا۔انہوں نے کہا کہ الیکشن کمیشن تمام صوبوں میں جلد از جلد بلدیاتی انتخابات کرائے ، ای وی ایم اور اوورسیز پاکستانیوں کو ووٹ کے حق کے معاملے پر فساد پیدا کیا ، جماعت اسلامی شفاف اور غیر جانبدار انتخابات کا انعقاد چاہتی ہے ، الیکشن کمیشن انتخابی اصلاحات کے معاملے پر تمام سیاسی جماعتوں سے مشاورت کرے ، جماعت اسلامی انتخابی اصلاحات کیلئے ملک بھر میں عوامی مہم شروع کرے گی۔

رہنما جماعت اسلامی و ملی یکجہتی کونسل کے سیکریٹری جنرل لیاقت بلوچ نے کہا کہ چیف الیکشن کمشنر نے 2023 کے عام انتخابات شفاف اور غیر جانبدار کرانے کی یقین دہانی کروائی ہے ، جماعت اسلامی اوورسیز پاکستانیوں کو ووٹ کا حق دینے کی حمایت کرتی ہے ، عمران خان اپنا غرور اور تکبر چھوڑ کر تمام اسٹیک ہولڈرز کے ساتھ قومی ڈائیلاگ کریں۔