وزیراعظم نومبر میں نئے آرمی چیف کا تقرر کریں گے، وزیر دفاع

عمران خان پر تنقید

عمران خان سے متعلق بات کرتے ہوئے وفاقی وزیر کا کہنا تھا کہ عمران خان نے ایک رٹ لگائی ہے کہ میرا اقتدار واپس دو، اقتدار کا نشہ عمران خان کو ستا رہا ہے، عمران خان اور ان کے وزراء سیلاب میں کہاں نظر آ رہے ہیں؟۔

نئے آرمی چیف کی تقرری

نئے آرمی چیف کی تقرری سے متعلق خواجہ آصف نے دعویٰ کرتے ہوئے کہا کہ نومبر میں شہباز شریف آرمی چیف کی تقرری کا فیصلہ کریں گے، جو بھی وزیراعظم ہوگا وہ اس کا فیصلہ کرے گا۔ آرمی چیف کی تقرری کو موضوع نہ بنایا جائے، اس میں عمران کا اہم کردار ہے، یہ موضوع جیسے اب میڈیا کی زینت بنا ہے ماضی میں نہیں بنا، نواز شریف نے 4 بار یہ فرض نبھایا ہے، اس بار شہباز شریف نبھائیں گے۔

سیلاب

سیلاب سے متعلق وزیر دفاع کا کہنا تھا کہ سیلاب کے بعد قحط کی صورت حال کا سامنا ہو سکتا ہے، سردی آ رہی ہے ، کروڑوں لوگ کھلے آسمان تلے موجود ہیں۔ ملک کو زیادہ استحکام اور متحد ہونے کی ضرورت ہے۔ سیلاب سے ہماری فصلیں تباہ ہوئی ہیں، جس سے خوراک کا بحران ہوگا۔