گڈو پاور ہاؤس میں فنی خرابی، کراچی سمیت ملک کے دیگر حصوں میں بجلی کا بڑا بریک ڈاؤن
مُلک کے جنوبی ٹرانسمیشن سسٹم میں حادثاتی خرابی کے باعث کراچی سمیت ملک کے دیگر حصوں میں بجلی کی فراہمی معطل ہوگئی ہے۔
کراچی میں راشد منہاس روڈ، گلستان جوہر، لیاقت آباد سی ون ایریا، فیڈرل بی ایریا بلاک 13، 12، 11، ناظم آباد بلاک نمبر 4 اور 3 سمیت مختلف علاقوں میں بجلی کی فراہمی معطل ہوگئی ہے۔
اس کے علاوہ لانڈھی، ملیر، ماڈل کالونی، کھارادر، لیاری، اولڈ سٹی ایریا، ملیر ہالٹ اور رفاع عام بھی شہری بجلی کی فراہمی سے محروم ہوگئے جبکہ گلشن جمال، ملینیئم مال، ڈالمیا روڈ، گلستان جوہر اور گلشن اقبال کے مختلف علاقوں سمیت سٹی کورٹس اور احتساب عدالتوں میں بھی بجلی کی فراہمی معطل ہوگئی۔
ڈیفنس ہاؤسنگ اتھارٹی (ڈی ایچ اے) کے مختلف علاقوں اور پی ای سی ایچ سوسائٹی میں بھی رہائشیوں کو بجلی کی بندش کا سامنا ہے۔