بارشوں کے نئے سلسلے نے سیلاب متاثرین کی مشکلات بڑھادیں

عمرکوٹ میں رجم جھم سے کیمپوں میں مقیم متاثرین کی مشکلات بڑھ گئیں، تھرپارکر کے علاقے ڈیپلو میں آسمانی بجلی گرنے سے دو نوجوان جاں بحق ہوگئے۔ گزشتہ بارشوں کی وجہ سے آفت زدہ قرار دیئے گئے اضلاع دادو اور ٹنڈوالہ يار ميں بھی بارش ہوئی۔

دادو شہر کو بچانے کے لیے برڑا نہر پر بند کی تعمیر جاری ہے۔پاک فوج ، رینجرز اور سول اداروں نے دادو کے گرڈ اسٹیشن کو ڈوبنے سے بچالیا۔

دادو اور قمبر شہداد کوٹ کے درمیان کاچھو کے علاقے میں درجنوں دیہات ملک بھر سے کٹے ہوئے ہیں۔

منچھر جھیل میں پانی کی سطح ایک بار پھر بلند ہو رہی ہے جب کہ قریبی شہروں سیہون اور بھان سعید آباد کو بچانے کے لیے جھیل پر کٹ لگائے گئے لیکن بھان سعیدآباد رنگ بند پر سیلابی پانی کا دباؤ کم نہ ہو سکا، سیم نالے میں شگاف سے تحصیل سیہون کی 3 یونین کونسل متاثر ہوئی ہیں جب کہ پانی فصلوں میں بھی داخل ہوگیا۔

صالح پٹ کے قریب آر ڈی پُل ٹوٹنے سے سکھر اور روہڑی سے کئی دیہات کا زمینی رابطہ منقطع ہوگيا ہے۔

محکمہ آبپاشی نے ایل بی او ڈی اور پران ندی میں 2 مقامات پر جگہ سے شگاف پڑچکا ہے، محکمہ آبپاشی نے دونوں شگاف بند کردیئے ہیں، اگر اب کوئی شگاف پڑا تو صورت حال بےقابو ہوجائے گی۔