نیپال کی کرکٹ ٹیم کے کپتان سندیپ لمی چانے کو جنسی زیادتی کے الزام پر گرفتار کرلیا گیا۔
غیرملکی خبرایجنسی کےمطابق سندیپ کے کھٹمنڈو پہنچنے پر پولیس نے گرفتار کیا۔ پولیس کے ترجمان دنیش راج نے سندیپ کی گرفتاری کی تصدیق کی ہے۔
اس سے قبل نیپالی کرکٹر نے فیس بک پوسٹ میں بتایا تھا کہ وہ اپنے خلاف عائد الزامات کی تحقیقات کےلیے وطن واپس پہنچ رہے ہیں۔
انھوں نے کہا تھا کہ وہ عائد الزامات پر ہونے والی تحقیقات کے لیے بھرپور تعاون کریں گے اور اپنی بےگناہی ثابت کرنے کےلیے قانونی جنگ لڑیں گے۔ سندیپ کو پچھلے ماہ کی 8 تاریخ کو کرکٹ بورڈ نے کپتانی کے عہدے سے ہٹادیا تھا۔ ان پر الزام ہے کہ انھوں نے کھٹمنڈو کے ہوٹل کے کمرے میں 17 سالہ لڑکی کو جنسی زیادتی کا نشانہ بنایا۔ ان کا شمار ٹی 20 لیگز اور نیپال کے مقبول ترین کھلاڑیوں میں ہوتا ہے۔
