معاہدے کے تحت ٹی ایل پی کو انتخابات میں حصہ لینے کی اجازت

حکومت اور ٹی ایل پی نے اتوار کے روز اعلان کیا تھا کہ ان کے درمیان تصادم ختم کرنے میں مدد دینے کے لیے سمجھوتہ ہوگیا ہے لیکن دونوں ہی فریقین نے کوئی تفصیلات دینے سے انکار کردیا تھا۔

ٹی ایل پی کی مذاکراتی ٹیم کے 2 اراکین اور ایک حکومتی رکن نے رائٹرز کو بتایا کہ معاہدے کی مرکزی چیز تنظیم سے پابندی کا خاتمہ اور اسے انتخابات میں حصہ لینے کی اجازت دینا ہے۔

مذاکرات میں شامل 3 افراد نے بتایا کہ اس کے علاوہ حکومت نے ٹی ایل پی کے اسیر رہنما اور 23 سو کارکنان کی رہائی کی مخالفت نہ کرنے کا اور ان کے نام دہشت گردوں کی نگرانی فہرست سے خارج کرنے کا فیصلہ کیا ہے۔