گوادر شپ یارڈ کی تعمیر کیلئے مفاہمت کی یاد داشت پر دستخط
کوئٹہ: وفاقی وزیر برائے دفاعی پیداوار زبیدہ جلال کا کہنا ہے کہ وفاقی اور صوبائی حکومتیں، بلوچستان کی سماجی اور اقتصادی ترقی کے لیے مشترکہ کوششیں بروکار لارہی ہیں کیوں کہ اس سے پاکستان کا مستقبل وابستہ ہے۔
یہ بات وفاقی وزیر برائے دفاعی پیداوار زبیدہ جلال نے گوادر میں شپ یارڈ کی تعمیر کے لیے مفاہمت کی یاد داشت (ایم او یو) پر دستخط کے حوالے سے منعقدہ ایک تقریب سے خطاب کرتے ہوئے کہی۔
انہوں نے کہا کہ یہاں نہ صرف شپ یارڈ کی تعمیر ہوگی بلکہ یہ خطے میں جہازوں کی مرمت کی سہولت بھی ہوگی، اس کے علاوہ یہاں ٹریننگ کی سہولت بھی دی جائے گی۔