بلوچستان حکومت کا ڈیجیٹل میڈیا پالیسی ہرگز قبول نہیں۔ پروفیسر حلیم صادق

بلوچستان حکومت کا ڈیجیٹل

میڈیا پالیسی ہرگز قبول نہیں۔

پروفیسر حلیم صادق

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عوام پاکستان پارٹی نے

ڈیجیٹل میڈیا پالیسی کو

مقامی اخبارات کے خلاف

سازش قرار دیدیا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فنڈز کی تقسیم سے پرنٹ

میڈیا تباہی کے دہانے پر پہنچ

جائے گا۔حکومت ڈیجیٹل

میڈیا کیلئے الگ فنڈ مختص

کرے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوئٹہ (پ ر) عوام پاکستان پارٹی بلوچستان کے صوبائی جنرل سیکرٹری اور شال پبلشرز گروپ کے سی ای او پروفیسر ڈاکٹر حلیم صادق نے بلوچستان حکومت کی ڈیجیٹل میڈیا پالیسی کو مسترد کرتے ہوئے اسے مقامی اخبارات کو بند کرنے کی سازش قرار دیا ہے۔ اپنے جاری کردہ بیان میں انہوں نے کہا کہ بلوچستان کا پرنٹ میڈیا پہلے ہی شدید مالی بحران کا شکار ہے اور اخبارات کو فنڈز کی کمی جیسے سنگین مسائل درپیش ہیں۔ انہوں نے کہا کہ موجودہ صورتحال میں اگر ڈی پی آر کے محدود فنڈز کو مزید تقسیم کیا گیا تو اس سے مقامی اخبارات کو ناقابل تلافی نقصان پہنچے گا اور پرنٹ میڈیا مکمل تباہی کے دہانے پر پہنچ جائے گا۔ ان کا کہنا تھا کہ اس پالیسی کے نتیجے میں ہزاروں افراد کے بیروزگار ہونے کا خدشہ ہے، جو پہلے ہی معاشی مشکلات کا شکار ہیں۔ پروفیسر ڈاکٹر حلیم صادق نے حکومت سے مطالبہ کیا کہ ڈیجیٹل میڈیا کی ترقی کیلئے علیحدہ فنڈ مختص کیا جائے تاکہ پرنٹ میڈیا کے وسائل متاثر نہ ہوں۔ انہوں نے واضح کیا کہ مقامی میڈیا کو ڈیجیٹل میڈیا کی ترقی پر کوئی اعتراض نہیں، تاہم ڈی پی آر کے قلیل فنڈز کی مزید تقسیم کسی صورت قبول نہیں کی جائے گی۔انہوں نے کہا کہ حکومت کو چاہیے کہ وہ پرنٹ میڈیا کو درپیش مسائل کا سنجیدگی سے نوٹس لے اور ایسے اقدامات کرے جن سے مقامی اخبارات کو سہارا ملے، نہ کہ انہیں مزید مشکلات میں دھکیلا جائے۔