گورنر خیبر پختونخوا نے گورنر پنجاب کا گورنر ہاؤس پشاور میں استقبال کیا

پشاور، 23 اکتوبر 2025:
گورنر خیبر پختونخوا، فیصل کریم کنڈی، نے گورنر پنجاب سردار سلیم حیدر خان کا گورنر ہاؤس پشاور پہنچنے پر پرتپاک استقبال کیا۔

دونوں گورنروں کے درمیان گورنر ہاؤس میں اہم ملاقات ہوئی جس میں خیبر پختونخوا میں امن و امان، گڈ گورننس اور سیاسی صورتحال پر تفصیلی تبادلہ خیال کیا گیا۔ ملاقات کے دوران پنجاب اور خیبر پختونخوا کے درمیان بین الصوبائی تعاون کے مواقع اور مشترکہ ترقیاتی اقدامات پر بھی بات کی گئی۔

گورنر پنجاب سردار سلیم حیدر خان نے خیبر پختونخوا میں نوجوان ٹیلنٹ کی حوصلہ افزائی، خواتین کی خودمختاری، اور صنعتی و تجارتی ترقی کے حوالے سے گورنر کے اقدامات کو سراہا۔

ملاقات میں پیپلزپارٹی کے صوبائی صدر محمد علی شاہ باچا بھی موجود تھے۔