نئی دہلی: مذہبی آزادی کی صورت حال کا جائزہ لینے والے امریکی حکومت کے ایک پینل کو بھارت نے ویزا دینے سے انکار کر دیا ہے۔ بھارتی وزیر خارجہ نے اس کی تصدیق کر دی ہے۔ یو ایس کمیشن آن انٹرنیشنل ریلیجس فریڈم (USCIRF) نے ویزوں کے لیے درخواست اپریل میں جمع کرائی تھی۔ یہ پینل مسلمانوں کے خلاف حملوں کے تناظر میں بھارت کو انتہائی کشیدہ صورت حال والے ملکوں کی فہرست میں شامل کرنے کا کہتا آیا ہے۔ بھارتی وزیر خارجہ نے ویزے مسترد کرنے کی اطلاع دیتے ہوئے ایسے تاثرات کو قطعی طور پر غلط قرار دیا۔
