علی لاریجانی ایران کے نئے سپریم لیڈر نامزد

علی لاریجانی کا نام  علی خامنہ ای کی وصیت میں موجود تھا۔

تہران/اسلام آباد، یکم مارچ 2026: ایران کے سرکاری میڈیا نے تصدیق کی ہے کہ ایران کے سپریم لیڈر آیت اللہ علی خامنہ ای انتقال کر گئے ہیں۔ ایرانی سرکاری ٹیلی وژن اور خبر رساں اداروں کے مطابق وہ حالیہ حملوں کے دوران جاں بحق ہوئے۔
ایرانی حکومت کی جانب سے ملک بھر میں چالیس روزہ قومی سوگ کا اعلان کیا گیا ہے جبکہ سرکاری عمارتوں پر پرچم سرنگوں کر دیے گئے ہیں۔ ایران کی اعلیٰ قیادت اور مذہبی شخصیات نے اسے قومی سانحہ قرار دیا ہے۔
آیت اللہ خامنہ ای 1989 سے ایران کے سپریم لیڈر کے منصب پر فائز تھے اور ملک کی سیاسی، عسکری اور مذہبی پالیسیوں میں کلیدی کردار ادا کرتے رہے۔ ان کے انتقال کے بعد آئینی طریقہ کار کے تحت نئے سپریم لیڈر کے انتخاب کا عمل شروع کیا جائے گا۔

 ماسکو،   جنوری 2026: روسی صدر ولادیمیر پیوٹن نے کہا ہے کہ روس اور پاکستان کے تعلقات حقیقی معنوں میں باہمی مفید ہیں اور دونوں ممالک کے درمیان تعاون جاری ہے۔ پاکستانی سفیر فیصل نیاز ترمذی نے روسی صدر کو سفارتی اسناد پیش کیں۔ صدر پیوٹن نے کہا کہ پاکستان شنگھائی تعاون تنظیم کا مکمل رکن ہے اور خطے کی بڑی علاقائی تنظیم میں فعال شراکت رکھتا ہے۔ دونوں ممالک مختلف شعبوں میں تعاون بڑھا رہے ہیں اور روس میں مقیم پاکستانی برادری کے ساتھ روابط کو بھی ترجیح دی جائے گی۔ یہ تعلقات خطے میں اقتصادی، دفاعی اور سیاسی استحکام کے لیے اہم کردار ادا کرتے ہیں۔

 واشنگٹن،  جنوری 2026: وائٹ ہاؤس نے صدر ڈونلڈ ٹرمپ کے امن منصوبے کے تحت غزہ بورڈ آف پیس کے اراکین کے ناموں کا اعلان کر دیا۔ میجر جنرل جیسپر جیفرز کو عالمی استحکام فورس کا کمانڈر مقرر کیا گیا ہے، جبکہ وزیر خارجہ مارکو روبیو، ٹرمپ کے نمائندہ خصوصی سٹیو وٹکوف اور داماد جیرڈ کشنر بھی بورڈ کا حصہ ہیں۔ بورڈ کا مقصد غزہ میں سکیورٹی، انسانی امداد اور تعمیر نو کے منصوبوں میں ہم آہنگی پیدا کرنا اور فلسطینی اتھارٹی میں اصلاحات کو فروغ دینا ہے۔ سابق برطانوی وزیراعظم ٹونی بلیئر، مارک روون، اجے بنگا اور رابرٹ گیبریل بھی اس بورڈ میں شامل ہیں۔ یہ اقدام ٹرمپ کے مشرق وسطیٰ میں امن منصوبے کے اہم حصے کے طور پر دیکھا جا رہا ہے۔

واشنگٹن،   جنوری 2026: امریکی محکمہ خارجہ نے اعلان کیا ہے کہ 21 جنوری سے پاکستان سمیت دیگر ممالک کے درخواست دہندگان کے لیے امیگرنٹ ویزا سروس معطل کر دی جائے گی۔ امریکی سفارت خانے کے مطابق اس اقدام کا مقصد نئے درخواست گزاروں کی مکمل جانچ پڑتال اور امریکی عوام کے تحفظ کو یقینی بنانا ہے۔ بیان میں کہا گیا کہ امیگرنٹ ویزا کے لیے درخواست دہندگان کو اپنی مکمل اہلیت ثابت کرنا ہوگی اور سرکاری معاونت پر انحصار نہیں کرنا ہوگا۔ تاہم نان امیگرنٹ ویزا درخواستوں پر یہ پابندی لاگو نہیں ہوگی اور سیاح، طالب علم، کھلاڑی اور ہنرمند افراد اور ان کے اہل خانہ کے ویزے جاری رہیں گے۔ اس اقدام سے امریکا میں قانونی اور محفوظ امیگریشن کے عمل کو یقینی بنانے کی کوشش کی جا رہی ہے۔

کیف،   جنوری 2026: یوکرین کے صدر ولودومیر زیلنسکی نے خبردار کیا ہے کہ روس کی جانب سے بڑے فضائی حملوں کا خطرہ موجود ہے، جس کے پیش نظر یوکرین کو جدید فضائی دفاعی نظام کی ضرورت ہے۔ صدر زیلنسکی کی قیادت میں یوکرینی وفد امریکا روانہ ہوا تاکہ سکیورٹی اور دفاعی امداد کے حوالے سے عالمی اتحادیوں کے ساتھ تبادلہ خیال کیا جا سکے۔ زیلنسکی نے امریکی صدر ٹرمپ سے ملاقات کے دوران روسی خطرات کے تدارک اور شہری علاقوں کی حفاظت کے لیے تعاون بڑھانے کی اپیل کی۔ انہوں نے کہا کہ یوکرین کی حفاظت عالمی سطح پر امن و استحکام کے لیے بھی ضروری ہے اور بین الاقوامی اتحادیوں کا تعاون فوری طور پر بڑھانے کی ضرورت ہے۔

واشنگٹن، 16 جنوری 2026: امریکا کے صدر ڈونلڈ ٹرمپ نے گرین لینڈ پر امریکا کے مجوزہ قبضے کی مخالفت کرنے والے ممالک پر ٹیرف عائد کرنے کی دھمکی دی ہے۔ وائٹ ہاؤس میں اجلاس کے دوران صدر ٹرمپ نے کہا کہ جو ممالک اس منصوبے کی مخالفت کریں گے، ان پر درآمدی ٹیکس لگایا جا سکتا ہے۔ تاہم انہوں نے واضح نہیں کیا کہ کون سے ممالک اس کا سامنا کریں گے یا یہ ٹیکس کس طرح لاگو کیے جائیں گے۔ گرین لینڈ ڈنمارک کا نیم خودمختار علاقہ ہے اور اس کی اپنی حکومت موجود ہے۔ شمالی امریکا اور آرکٹک کے درمیان واقع ہونے کی وجہ سے گرین لینڈ اہم دفاعی اور نگرانی کے مقامات کے لیے موزوں سمجھا جاتا ہے، جہاں امریکا کے فوجی اہلکار پہلے سے تعینات ہیں۔ اس پیش رفت سے خطے میں سیاسی اور اقتصادی دباؤ بڑھنے کا امکان ہے۔

 12 جنوری، 2026: انڈونیشیا کے وزیرِ دفاع لیفٹیننٹ جنرل (ریٹائرڈ) جعفری شمس الدین کی قیادت میں اعلی ٰسطحی دفاعی وفد نے ایئر ہیڈکوارٹرز، اسلام آباد میں سربراہ پاک فضائیہ ایئر چیف مارشل ظہیر احمد بابر سدھو سے ملاقات کی۔ یہ اعلیٰ سطحی ملاقات جمہوریہ انڈونیشیا کے صدر کے حالیہ دورۂ پاکستان کے تسلسل کا ایک اہم جزو ہے جس میں دونوں  ممالک کی فضائی افواج کے مابین دوطرفہ دفاعی تعاون بالخصوص استعداد سازی، تربیت اور تکنیکی شعبوں میں مزید اضافے کے پختہ عزم کا اعادہ کیا گیا۔

سربراہ پاک فضائیہ  نے پاکستان اور انڈونیشیا کے مابین تاریخی اور برادرانہ تعلقات کو اجاگر کیا جو مشترکہ اقدار، باہمی احترام اور مضبوط عوامی روابط پر قائم ہیں۔ اُنہوں نے معزز مہمان کو پاک فضائیہ کی حالیہ جدت طرازی مہم  سے آگاہ کرتے ہوئے انفراسٹرکچر کی ترقی، تربیتی نظام کی ازسرِنو تشکیل اور جدید و مخصوص صلاحیتوں کے حصول کے ذریعے جاری جامع  منصوبوں پر روشنی ڈالی۔ ائیر چیف نے مزید بتایا کہ یہ تزویراتی اقدامات عصری جنگی تقاضوں کے مطابق ملٹی ڈومین آپریشنز میں پاک فضائیہ کی آپریشنل تیاری اور تکنیکی برتری کو مزید مستحکم  بنانے کے لیے کیے جا رہے ہیں۔ سربراہ پاک فضائیہ  نے ہوابازی کے شعبے میں مشترکہ تربیتی اقدامات، آپریشنل تعاون اور ادارہ جاتی روابط کے تسلسل کے ذریعے فوجی تعاون کو مزید فروغ دینے کے عزم کا بھی اعادہ کیا۔

انڈونیشیا کے وزیرِ دفاع نے پاک فضائیہ کی پیشہ ورانہ مہارت، آپریشنل برتری اور جنگی تیاریوں کو سراہا۔ انہوں نے بالخصوص نیشنل ایرو اسپیس سائنس اینڈ ٹیکنالوجی پارک کے تحت مقامی سطح پر جدت اور خود انحصاری کے ذریعے حاصل کی گئی نمایاں تکنیکی کامیابیوں کی تعریف کی اور اسے ایرو اسپیس کے شعبے میں پاکستان کی بڑھتی ہوئی خود کفالت کا مظہر قرار دیا۔  معزز مہمان نے تربیت، ہوابازی اور ایرو اسپیس کے شعبوں میں پاک فضائیہ کے ساتھ تعاون بڑھانے میں گہری دلچسپی ظاہر کی اور خطے میں امن و استحکام کے فروغ کے لیے پاکستان کے تعمیری کردار کو بھی سراہا۔

انڈونیشیا کے وزیرِ دفاع اور سربراہ پاک فضائیہ کے درمیان ہونے والی یہ ملاقات پاکستان اور انڈونیشیا کے دفاعی تعلقات میں بڑھتی ہوئی ہم آہنگی کی عکاس ہے جو  دونوں ممالک کے اس مشترکہ عزم کی توثیق کرتی ہے کہ بہتر تعاون اور روابط  کے ذریعے اس دیرینہ شراکت داری کو مزید مستحکم  کیا جائے گا۔

ترجمان پاک فضائیہ

وینزویلا اورکیوبا نے امریکی کارروائی میں ہلاک 55 فوجی اہلکاروں کے نام جاری کردیے۔

غیر ملکی میڈیا کے مطابق  کیوبا اور وینزویلا نے گزشتہ ہفتے امریکی حملے میں ہونے والے جانی نقصان کی تفصیلات جاری کی ہیں۔

میڈیا رپورٹس میں بتایا گیا ہے کہ کیوبا کی حکومت نے اپنے  32 اہلکاروں کے نام جاری کیے ہیں جو کراکس میں فوجی کارروائی میں مارے گئے جبکہ وینزویلا کی فوج نے بھی اپنے 23 اہلکاروں کے ناموں کی فہرست شائع کی ہے۔

کیوبا ڈیبیٹ میں شائع ہونے والے اعداد و شمار کے مطابق 21 اہلکار وزارت داخلہ کے تھے، جن میں 3 اعلیٰ افسران (دو کرنل اور ایک لیفٹیننٹ کرنل) شامل تھے، جبکہ باقی انقلابی مسلح افواج کے ارکان تھے، جن میں زیادہ تر فوجی تھے۔

دوسری جانب وینزویلا کی فوج نے 23 فوجی اہلکاروں کی ہلاکت کے نوٹس شائع کیے جن میں 5 ایڈمرل، مختلف رینک کے 16 سارجنٹس اور  2 فوجی شامل ہیں۔

مزیدبراں امریکی اخبار کا کہنا ہے کہ امریکی حکام کا اندازہ ہے کہ وینزویلافوجی کارروائی میں تقریباً 75 افراد ہلاک ہوئے، ہلاکتیں کراکس میں مادورو کے کمپاؤنڈ پر شدید فائرنگ اور لڑائی کے دوران ہوئیں۔

واضح رہے کہ امریکا نے ہفتے کو وینزویلا پر حملہ کیا اور امریکی ڈیلٹا فورس وینزویلا کے صدر مادورو اور ان کی اہلیہ کو ان کے صدارتی محل سے اٹھا کر لے گئی تھی۔

امریکی صدر ٹرمپ کا کہنا تھا کہ مادورو اور ان کی بیوی کو ان کے بیڈ روم سے پکڑ کر نیویارک لایا گیا، امریکا میں ان کے خلاف منشیات اور دہشتگردی کے الزامات کے تحت مقدمہ چلے گا ۔