سکرنڈ (رپورٹ راج کماراوڈ) سندھی، سرائیکی اور اردو کے عظیم شاعر حمل فقیر لغاری کے 151ویں عرس کا افتتاح محکمہ ثقافت سندھ نے میلہ کمیٹی کے چیئرمین محمد صالح لطیفی کی قیادت میں کیا۔ عرس کی تقریب میں چیئرمین ضلع کونسل علی اکبر جمالی، پیپلز پارٹی کے سابق جنرل سیکرٹری غلام شاہ لغاری، سندھی ادبی سنگت کراچی کے راشد لکمیر، سینئر سیاستدان حاجی علی نواز چانڈیو اور سکرنڈ پریس کلب کے جنرل سیکرٹریز غلام حیدر سولنگی اور غلام علی چابڈیو نے شرکت کی۔ الگ الگ گفتگو کرتے ہوئے ان کا کہنا تھا کہ حمل فقیر لغاری سندھ کے عظیم شاعر ہیں جن کی شاعری میں انسانیت، مذہب اور محبت کا پیغام موجود ہے۔ ان کا مزید کہنا تھا کہ سندھ صوفیوں کی سرزمین رہی ہے، یہی وجہ ہے کہ سندھ امن اور محبت کا مرکز رہا ہے۔ اس موقع پر صوفی موسیقی بھی بجائی گئی۔ قبل ازیں چیئرمین یوسی حمال فقیر لغاری وسیم راجہ نے مہمانوں کا استقبال کیا جبکہ محمد صالح لطیفی نے مہمانوں کو خوش آمدید کہا۔ اس موقع پر سندھ کے ثقافتی ورثے کی نقاب کشائی کی گئی۔ اکرام لغاری، رضا محمد سیال، علی نواز پڑیار، بشیر لاشاری، محمد حنیف سومرو، عبدالحمید آرائیں، غلام نبی ملہ، مظہر سولنگی اور دیگر شخصیات موجود تھیں۔
